Set
15
2011

PRO TORRARE A SA FIDE

Scritto da Salvatore Ultimo aggiornamento (20 Ottobre 2013)
PDFStampaE-mail

PRO TORRARE A SA FIDE

 

 

Arividu chi so a una zerta edade, mi so fattende un'isciamine de cuscenscia ponzende in resaltu totu sos malumores causados dai sa guasi cumpleta perdida de sa fide de sos prinzipios cristianos. Pro custu so pedende carchi aggiudu pro chircare de torrare a essere unu bonu osservante de sas legges de su Segnore.

 

CANTU PRIMU

 

iIn mesu 'e sos trobojos de sa vida,

in cust mund mesu abbolottadu

mi so agattadu cun dolu e ferida.

 

Su creo meu ch'hapo barattadu

e attesu dai s'insignamentu 'e Deu

su caminu 'e sa fide hapo lassadu.

 

Pensendebbei mi sero pius feu

ca paret hi mi manchet carchi cosa

e pius no pido a Isse s'ingranzeu.

 

Su coro meu chi fit comente rosa

sempre abbertu  a caridad'e amore,

como lu sero in pena agoniosa.

 

Attesu dai su chelu, in su peccadu

che so faladu pro faltas de fide.

Mancu bi creo de su chi m'est toccadu.

 

Pro custu bos isprono a reagire

a tantas trappulas chi sun in tundu.

S'aggiudu 'e Deu cuntrittos pedide.

 

Si no b'est Isse pudit mesu mundu

totu cadreddat in fogos de inferru,

totu su  male pattit in profundu.

 

Pro custu, ca su creo no hapo 'e ferru,

chie lu podet bezat in aggiudu,

no mi lasset cunzadu in cust'inserru.

 

 

CANTU SEGUNDU

 

Dai ue mancu mi l'isettaio, mi 'enit in aggiudu unu grande poeta e sacerdote. "Pedru Casu" (Babbai pro sos Berchiddesos) chi si ponet a disposiscione mia pro mi che giughere in Tera Santa in chirca de sa fide perdida.

 

Mentre in su sonnu drommit sa carena,

sos bisos attrumados chena pasu

curren lizzeros puru in mente anzena.

 

Cando aggradadas boghes de Parnasu

han bortuladu totu in mente mia.

E chie creiat chi fit Pedru Casu?

 

Isse cun boghe russa grave e bia

mi narat " Beni e aisculta Selvadore

chi a ti torrare fide ti dao via.

 

Su chi s'insigno est pro s'endore

pro chi ti servat fin'a cando morte

t'agattet prontu su giudicadore.

 

A pagos est toccada custa sorte

de fagher su tragittu in Terra Santa

istrintu a manu mia "tenedi forte".

 

S'iscina pija innanti totacanta

e a donzi cosa nada, quidadu.

Ponel'a mente e su chi b'ides canta.

 

No ti lu 'antes su chi t'est toccadu

ca no semus che Dante in su tragittu

in chirca de raghinas de paccadu.

 

E tand, ajo chi so pront'in appittu.

So mort e a mie no pesat pesu.

Ma cando fiou gią nd'hapo gittu.

 

 

CANTU TERZU

 

 

Babbai e Selvadore si ponen de accordu pro incominzare su viaggiu partende dai su monte de Limbara e prezisamente dai Littu Siccu, In ue Babbai passeit sa gioventura sua in su podere de sos suos. setzidos a s'umbra maestosa de "s?elighe de Toto". Logu in cui Babbai ,cuntemplende su silenziu  e sa natura, leaiat ispirascione pro sos suos cumponimentos poeticos de grande valore. Giuttu chi micch'hat in Terra Santa, Posca de m'aer fattu 'ier Betlemme. Babbai Mi che giughet in su Giordano,e a s'umbra, da bonu preigadore mi faghet su sermone.

 

In pagu ti che gitto in Palestina

pro ammentare sos logos de Criustu.

Prima bidimus Roma e  sa sistina.

 

Pro chi ti rendas contu 'e cale achistu

sa cheja hat fattu pro s'umanidade

a gloria 'e Pedru crucifissu e pistu.

 

Posca passamus in sa domo Santa

pro ammentare sa mama 'e Cristu

e nos la visitamus totacanta.

 

In Loreto, logu 'e su conchistu

in ue nascheit sa mama 'e su Segnore,

Mira cantu Santu logu est custu.

 

Sighimus pro Betlemme in ue s'amore

de Zuseppe e Maria happein amparu,

in cussa grutta tota iscurigore.

 

Solu lughiat su chelu forte e giaru.

Sos pastores benzein a l'adorare,

su Messia appena nadu, bellu e caru.

 

Su restu ti lu cono, Selvadore cun

su richiamu chi fatto a sa fide,

no solu a tie . ma a donzi peccadore..

 

Babbai Casu.

 

Caros fizos sa palas si 'oltades

a unu Deu chi nos hat battidu

a su mundu pro esser totu frades,

 

si capricciosos leades partidu

contra sa santa religione Sua,

e senz'alas bessides dai su nidu:

 

si resinnados leades sa fua

peri caminos tortos e redossos

totu cobertos de mundana lua.

 

E che ruides tzegos in sos fossos

tra brutturas e pelcias e ispinas,

e bos leades che canes a mossos:

 

Isparghide sa terra de ruinas

semenende in totue istragu e morte

contr'a legges umanas e divinas:

 

pretendides de tenner bona sorte,

de gosare in sa vida cuntentesa

e tenner contr'a s'ira coro forte?

 

Deus zertu no amat sa vilesa

de sos chi duros li ģoltan sa palas

e moven gherra a sa divina altesa.

 

Deus aburrit sas ģideas malas

truncat s'ischina a trighes e leones

truncat a s'ae superba sas alas.

 

Deus chi salvat sos bonos ladrones

lassat perder sos Giudas ostinados,

ch'ettat sos zegos in sos caancones.

 

E totu cuddos chi si sun proados

cun artes maccas a li fagher gherra,

a morder su peuer su parados

 

A Deus no movedas cuntierra,

de Isse no siedas inemigos

chi cumandat su chelu mare e terra.

 

Si de Deus bos mancan' sos abbigos

pagu 'alet sa forza de su mundu

su aer sos dimonios amigos.

 

Iscuru a chie ruet in proifundu

parende orijas a sos tentadores

chi triulan sa terra dai fundu

 

Cristianos, sos santos protettores

bos solven dai donzi tirannia

e arte trista de malefattores

 

Sezis nados in mesu a sa jaria

miraculosa de sa lughe vera

de Cristos, vida veridade ebbia.

 

No bos intzeghet como sa chimera

ingannadora de faltzos profetas

pagados dai manu furistera.

 

Tzertu sa vida at dolos e apretas

chi nos faghen su samben suerare

in agonias nieddas segretas.

 

Ma totu nos devimus ammentare

chi su Cristos nascheit pro patire

e de margura at bidu donzi male.

 

No est de custu mundu su godire

sa vida umana est tota pernitentzia

niunu dai sas penas dčt fuire.

 

 

Dai Gesus leade s'isperienscia

chest nadu poverittu poverittu

de sa dura istajone s'inclemenscia.

 

E famine hat suffridu, caldu e frittu

e pustis totu su bene ch'hat fattu

subra una rughe est finidu traffittu.

 

 

CANTU QUARTU

 

In pagu mi che 'ido in sos logos Santos de sa passione, mirende cun dolu e piantu  su monte de sos supplitzios e de sa passione, su logu in ue 'isteit sepulcradu, ponzende sos passos mios in ue su Segore aiat pattidu. SA FIDE M'EST TORRADA- GRASCIAS A DEUS E A BABBAI CASU:

 

Abbaida 'ene custa terra amena

in ue a Cristos dein su pattimentu

leadu e pistu cun dura cadena.

 

In su Calvariu pianghiat su 'entu

in ojos de sa mama addolarada

afflitta totacanta in s'iscalmentu.

 

In custa tumba 'e lughe incoronada

a sas tres dies pustis de sa morte

torreit a bia sa salma sagrada

 

pro che pigare in altu ca sa sorte

suprema de su Deus onnipotente

l'at postu a capu 'e sa suprema corte.

 

Ancora est adoradu in donzi mente

pro cantu restat de s'eternidade

ca est babbu, frade e fizu de sa tzente

 

chi creet in s'amore e s'onestade,

in sa miserigoldia, fide e onore

unicos benes de s'umanidade.

 

Est Isse chi nos sanat su dolore;

est Isse chi nos ghiat a su chelu;

est Isse chi nos donat ajubore.

 

E tando Selvadore, torra in zelu

a sos pretzettos e legges divinas

ch'iscrittas sunu in su Santu Evanzelu.

 

AMEN...E GASI SIAT:

 

Salvatore Sini... Berchidda (OT)