Gen
28
2014

B'AIAT UNA 'OLTA

Scritto da Salvatore
PDFStampaE-mail
B'AIAT UNA 'OLTA

Proite...proite, sas paristorias
ana sempre su profumu
de sos buscos e ana
ojos mannos cantu sa notte?

B'aiat una 'olta unu mundu
chi pius no resesso ad agattare...
Sa falda niedda de minnanna
e-i sos ojos giaros chietos,
sa 'oza de sa sera
totus acculzu a su foghile
a intendere contos de fantasimas,
de orcos e majalzas.

E puru sas nottes
de un'istadiale profundu
cun sas cadreas in sa carrera,
sos risos, sos giogos,
sos cantos e-i sos ballos
a boghe 'e chiterra e de sonette.

E mamma nostra chi a 'istentu
nos poniat in su lettu a forza,
cun sos ojos pienos de istellas
ancora chentza timorias
de maladias e de dolores.

E sa bisitas a sos bighinos,
sos fogos alluttos in sos montes
cun sas umbras rujas.
B'aiat una 'olta...
b'aiat una 'olta unu mundu
chi no resesso pius a l'agattare
come chi amus tancadu
in una buscia de plastica
totas sas paristorias
mudadas in marmaru.

Como restat su risu ranchidu
chi su tempus nou nos regalat.