Gen
28
2014

BOGHES

Scritto da Salvatore
PDFStampaE-mail

BOGHES

Ammento sas boghes
de sa cara antiga domo,
ancora las intendo
in tempus andadu
accultzu a sas brajas de su fogu,
a sa banca apparitzada
a su murmuttu
de istuzos, furchettas, cocciares e piattos
a columu 'e mandigu nostranu;
e su rellozu pendulone
chi mandaiat s'ora de sa die;
sos contos de sa sera
chentza malinconia
ne silentzios sighidos.
Boghes de domo
nostalgia de 'oghes lontanas
de tzente passada
chi sempre apo a mente
fattandemi succutare su coro.