Gen
27
2014

ARIA DE CHELU BIAITTU

Scritto da Salvatore
PDFStampaE-mail

ARIA DE CHELU BIAITTU

 

Aria lizera e luminosa, aria de chelu

e-i sos ojos mios aggantzados in segus

a un'istullu de 'olos nieddos.

Bolos altos e intrinadas chi morint

cun tentasciones de malinconia

ch'in tundu 'oltan' peri su chelu

a graminare nues de lana

subra sos montes nieddosos

chi de arantzu e de oro si pintana

cando su sole morit.

E galu, ingulimosu de assentu

m'apposento in sos cuzolos

de sa mente iscrabinada

imbarende chi sos bratzos de su sonnu

mi regalent carchi bisu de isperas.