Gen
27
2014

RESTAT SU SEMENE

Scritto da Salvatore
PDFStampaE-mail

RESTAT SU SEMENE

 

Barattada s'anima

so educhende su coro a su silentziu

e umiles lughes regoglin' sos restos,

in  chelvias intostadas,

peri sos ojos astraados

che marmaru infrittadu

de 'iddia in sa notte colada,

e gasie, isfozo fiores a s'intrinada.

 

E-i sa luna...

chi ancora 'ios nos mantenede

cussa luna chi nos at bidu

a oju limpiu e cor'abbertu

in sos cantaros cantende

tra fiores e abbas friscas.

 

Sas nottes, boidas che sempre

e sa campana de sas oras noas

chi a toccare sighint sentza pasu.

S'astrau at siccadu e allizadu

sos fiores de s'anima.

 

Restat su semene...si torrat ad attechire.