Gen
13
2013

CUDDAS NUES BARRIAS DE TRISTURA

Scritto da Salvatore
PDFStampaE-mail

CUDDAS NUES BARRIAS DE TRISTURA

 

Totu mi faghiat a cumprendere

chi sa fine fit accultzu

ed 'eo chi t'istringhia su bultzu

aiscultende illuinadu

sos ultimos alenos de sa vida-

 

Fora, su chelu minettosu,

cussu chelu barriu de piantu

ch'in sa terra gią infusta

colaiat cun sos iscampios

triulafdos dai sa morte.

 

E cussu 'entu impiedosu,

trajinadore de nues raidas

e unfiadas de grae tristura.

In dossu meu, lampos iscabados

saettende rajos de suspiros,

lughizaian' s'apposentu

in ue tue, consunta de turmentu

in accabu mandaias

s'ultimu alenu a custu mundu.

 

L'apo intesa s'ultima lagrima arressa

e l'apo serada in sos cavanos

lutziga, calda e sintzera.

E intro 'e cussa lagrima...totu.

 

Comente cometa cun sa fritta iscia

tue, a cabulare sos cunfines de sa luna.

Una dolima che corona de ispinas

inferchidas in sa mente, m'est nende:;

ma ite chircas in cussa lagrima isfriscionosa?

...est morta...

Ma 'eo, guvaldu e in disisperu

cun sa petorra cuntritta

sighende sos ammentos caleschidos

so torrende in segus cun su tempus

passadu in bratzos tuos.

 

Premio Pietro Casu Berchidda.