Gen
13
2013

REJONES

Scritto da Salvatore
PDFStampaE-mail

REEJONES

 

Istripitu lebiu de pensos

a m'intritzare de randas sa vida,

a cuare cun trinas sas feridas

ue pasana uncas e amores,

lapannas de diisisperu

e limpias ispannadas de serenu

creschidas in bene anzenu.

 

Et 'eo a triulare affrasciadu

in sas pelcias de s'anima

cun su diisizu iscalmentadu

intro su triziule coro meu,

chirchende de isolvere sos loros

cun carchi leada de sabore

pro cundire sa vide 'e 'onzi die

in mesu a temporadas de avreschidas.

 

Ma, allizadu est su fiore

istentadu sutta unu chelu

fertu de istellas mesu mortas.

Rejones chi sa rejone no resessit

a connotare e a subischere

pro cantu mannu o minore

est pro me carch'arrennegu

de chijuras chi no an' cunfine.

 

E gasie...imboladu in custu mundu

cun manos istraccas boddo

sos fruttures de s'amargura

madurados dai su tempus.

 

Rejones chentza rejone..

(/Ittireddu 2012