Ago
16
2012

LADRU DE PENSAMENTOS

Scritto da Salvatore
PDFStampaE-mail

 

LADRU DE PENSAMENTOS

 

Notte...chi drommis

in sos bratzos de su chelu,

cun tramas de nues currulanas,

che anghelos...de festa inghiriados

ma, chi perdidos si sunu...chirchendedi.

 

E tue , che fiore lentoradu

chi naschet a manzanu:

aisetta su 'asu de su sole

e ch'in laras, si frimmet su consolu.

 

Apo a essere su tempus...pasadu

a costazos de s'anima tua.

Apo a essere su sonniu tou

cando drommida e incantada

m'as a bier penitente

a carignare sos longos pilis e-i sa cara.

Apo a esser che pensamentu furadu

a su tempus chi ti so mancadu.

 

E che balzamu chi sanat feridas

as a sighire cun megus

su chi restat de s'esistenscia.-