Lug
20
2012

SA CURSA DE SU TEMPUS

Scritto da Salvatore
PDFStampaE-mail
SA CURSA DE SU TEMPUS

E no b'at modu...
de frimmare custu tempus
chi fariadu addainanti curret,
no si frimmat abbaidende in segus,
no ammittit pasadas pro torrare alenu.

Currere...currere...peri ue?
Una fumatzedda infadosa
s'est frimmende addainanti a sos ojos.
Solu devo creer...
crere de mantennere istrinta
s'identidade mia, trajinada
comente chiccoju dai unu riu tzegu
peri logos furisteros pienos de ispinas.

Brincu mannu de abbas friscas
a m'ammentare sos annos colados:
sos pilos incanidos e grogos
e sa manu...a chircare ammentos
de passada ermosura...
E curret su tempus...chentza pasu.-