Lug
19
2012

REJONES

Scritto da Salvatore
PDFStampaE-mail

 

REJONES

 

Istripėtu lebiu de penson

a m'intritzare de randas sa vida,

a cuare con trinas sas feridas

ue pasana uncas e amores,

lampanas de disisperu

e limpias ispannadas de serenu

creschėdas in bene anzenu.

 

Et 'eo a triulare... affrasciadu

in sas pelcias de s'anima

cun su disizu iscalmentadu

intro su trėzile coro meu,

chirchende de isolver' sos loros

cun carchi leada de sabore

pro cundire sa vida de 'onzi die,

in mesu a temporadas de avreschidas.

 

Ma...allizadu est su fiore

istentadu sutta unu chelu...

fertu de istellas mesu mortas.

Rejones...chi sa rejone no resessit

a connottare e a subėschere

pro cantu mannu o minore

est pro me cust'arrennegu

de chijuras chi no an' cunfine.

 

E gasie...imboladu in custu mundu

cun manos istraccas bōddo

sos fruttures de s'amargura

madurados dai su tempus.

 

Rejones chentza rejone.

 

 

 

 

(Peleas de esistenscia)